పార్టనర్స్ అబ్దం చెబుతున్నారని అనుమానంగా ఉందా, ఇలాంటి లక్షణాలతో కనిపెట్టండిలా

పార్టనర్ అబద్ధం చెప్పినప్పుడు వారు మనల్ని సూటిగా చూడలేరు. మనం వారివైపు చూసినా తప్పించుకునే ప్రయత్నం చేస్తారు. ఇబ్బందిగా ఫీల్ అవుతారు. నేల చూపులు చూస్తుంటారు. లేదా పక్కకి తిరిగిపోతారు. టీవీ అలా చూస్తుంటారు. అంతేకానీ, మనల్ని నేరుగా చూడలేరు.

పార్టనర్ అబద్దం చెప్పినప్పుడు కొన్నిసార్లు పొంతన ఉండదు. కట్టు కథలు అల్లుతారు. మనం చిన్న క్వశ్చన్స్ అడిగినా ఊరికే కోప్పడతారు. ఆవేశం వస్తుంది. మనం వారిని రెచ్చగొట్టకపోయినా ఊరికే అరుస్తుంటారు. ఇది నిజం తెలిసిపోయందని కవర్ చేయడానికి మాత్రమే.

అదే విధంగా, వారు అబద్ధం చెబుతున్నారని మనం కనిపెట్టగానే వారు ఫిజికల్‌గా కూడా స్ట్రెయిన్ అవుతారు. డిస్‌కంఫర్ట్ అవుతారు. చెమటలు పట్టడం, కాళ్ళు వణకడం, నెర్వస్‌గా ఉండడం ఇలా చేస్తుంటారు. ఇలాంటివి చూసినా వారు అబద్ధం చెబుతున్నారని కనుక్కోవచ్చు.

వారు అబద్ధాలు చెప్పి కథలు అల్లినప్పుడు వారు ఇంతకుముందులా మాట్లాడరు. ఆగిఆగి మాట్లాడుతుంటారు. ఏదో గుర్తొచ్చినట్లుగా చేస్తారు. ఆగిపోతుంటారు. మనల్ని కన్విన్స్ చేయడానికి ఎన్ని విధాలుగా ప్రయత్నించాలో అవన్నీ చేస్తుంటారు.

ఏదైనా విషయంలో అబద్ధం చెప్పినప్పుడు ఆ విషయాన్ని మారుస్తుంటారు. దాని గురించి కాకుండా వేరే టాపిక్ మాట్లాడుతుంటారు. ఆ పరిస్థితుల్లో బయటపడేందుకు ట్రైచేస్తారు. అర్జెంట్ పని పడింది. ఇంపార్టెంట్ ‌కాల్ వచ్చిందని ఎస్కేప్ అవుతుంటారు.

మీరు మీ పార్టనర్ చెప్పింది అబద్ధమని గుర్తించినా, పై లక్షణాలన్నీ మీ పార్టనర్‌లో కనిపించినా మీరు ఓపిగ్గా ఉండాలి. వారు చెప్పింది వినాలి. అసలు ఎందుకు అబద్ధం చెబుతున్నారో కనుక్కోవాలి. రిలేషన్‌లో అబద్ధం ఉండకూడదని వారికి తెలియజేయాలి. సమస్య ఎక్కువగా ఉంటే కౌన్సెలర్‌ని కలవండి.